Hér eru nokkrar leiðir sem gott er að fylgja:

1. Skipuleggðu matseðilinn yfir jóladagana, ekki bara hátíðisdagana.
2. Hugsaðu hvernig þú gætir til dæmis nýtt afganginn af jóla- og/eða áramótasteikinni og gerðu innkaupalistann í samræmi við það.
3. Reiknaðu hversu mikið magn þú þarft af mat og meðlæti fyrir hvern og einn. Þú getur nýtt þér skjalið „magn á mann“ sem þú finnur á heimasíðu Leiðbeiningastöðvarinnar.
4. Það er óþarfi að versla heilan kalkún ef þú þarft i raun bara tvær kalkúnabringur.
5. Farðu vel yfir hvað þú átt til nú þegar í skápunum af til dæmis þurrvöru og kælivöru. Skrifaðu það niður. Hafðu fæturna á jörðinni og vertu viss um að þú sért ekki bæta við þar sem nóg er til. Það er alltof auðvelt að missa sig í innkaupum í jólaösinni.
6. Verslaðu aðeins það sem þú þarft og farðu frekar oftar út í búð ef eitthvað vantar. Nú eru verslanir opnar nánast alla daga og sumar allan sólarhringinn og því óþarfi að versla mikið magn í einu eins og var hér áður fyrr.
7. Farðu vel með það sem þú verslar. Með góðum eldunar- og geymsluaðferðum er líklegra að maturinn geymist lengur og betur. Ekki geyma afganga of lengi við herbergishita, gakktu frá þeim sem fyrst í kæli eða frysti. Pakkaðu afgöngum í góð geymsluílát, settu í frysti það sem þú ert nokkuð viss um að engin hafi lyst á fyrr en löngu eftir jól. Það er ekkert víst að heimilisfólkið hafi lyst á hangikjöti ofan á brauð á hverjum degi í tvær vikur.

Kalkúnn, kjúklingur og reykt kjöt er tilvalið í ýmsa pastarétti og auðvelt er að krydda til rjómasósuna þannig að hún henti vel sem sósa út á pastað. Margir setja reykta kjötið og sósuna í Tartalettur.

Notaðu grænmetisafganga og/eða kjöt í heitar súpur og/eða pottrétti

Kalt kjöt er tilvalið í ferskt salat.

Skelltu hvaða kjöti sem er og grænmeti í góða böku.

Um að gera að nýta hugmyndaflugið.

Gangi þér vel ,-)