Directions

1. Smjörlíki og vatn er soðið saman í potti. Hveiti og hjartarsalti (+salti ef það er notað) er sáldrað út í og hrært vel með þeytara þangað til deigið verður gljáandi og sleppir bæði þeytara og potti. Látið aðeins kólna.

2. Deigið sett í hrærivélaskál. Eggjunum slegið saman og hrært smátt og smátt saman við. Nú á deigið að vera þétt og samfellt.

3. Sett á bökunarplötu klæddri bökunarpappír með tveimur skeiðum eða sprautað í toppa með rjómasprautu.

4. Ofninn stilltur á 220° og bollurnar látnar í heitan ofn. 

   Ekki má opna ofninn á meðan á bakstri stendur stendur.

   Bakað í 15 mín. Og þá er hitinn lækkaður í 150° og bakað áfram í 10 mín.

5. Bollurnar eiga að vera fallega ljósbrúnar, léttar og frekar stökkar.
   Ágætt að prófa að taka eina bollu og gá hvort hún er bökuð í gegn, ef svo er ekki má láta þær bakast ca 5 mín. til viðbótar.
   Ath. Ekki opna ofninn fyrstu 20 mínúturnar, þá falla bollurnar.

6. Vatnsdeigsbollur má frysta bakaðar án fyllingar eða deigið óbakað. En bestar eru bollurnar nýbakaðar.  Uppskriftin dugar í um það bil 20 bollur.