Directions

1. Kirsuberjunum hellt í sigti og safinn látinn dreypa vel af þeim. (upplagt að geyma hann sem sósu á ís eða með kökunni).
   Egg, sykur og hunang þeytt vel saman, eða þangað til blandan verður ljós og létt.

   Rjóminn settur í pott ásamt muldum negul, stjörnuanís og vanillustönginn,i sem hefur verið skorin sundur og kornin skafin út í ásamt stönginni í og hitað að suðu við vægan hita. Tekið af hellunni og lok sett á pottinn og látið standa í 5 mínútur.

   Hitað aðeins aftur og kryddið sigtað frá. Súkkulaðið brotið í stykki og látið í skál og heitum rjómanum hellt yfir. Hrært vel í þangað til súkkulaðið bráðnað.

   Hveiti, kakó, lyftiduft og kanil sigtað í skál. Möluðum möndlunum blandað út í. Blandað vel saman. Takið frá ca 2 msk af þurrefnunum.

   Smjörið brætt í potti

   Súkkulaðihrærunni hellt út í eggjablönduna og hrært vel saman. Þurrefnum blandað varlega saman við, hrært saman og nú er smávegis af deiginu sett út í brætt smjörið í pottinum og hrært vel saman og sett aftur til baka í deigið ásamt koníakinu og blandað vel saman.

   Deiginu hellt í kringlótt vel smurt smelluform og sykri stráð á botninn áður.

   Kirsuberjunum velt lauslega upp úr hveitiblöndunni sem haldið var eftir. Þeim er dreift yfir deigið.

   Kakan bökuð í forhituðum ofni við 160° í a.m.k. 50 mínútur.

   Látin kólna í forminu í góða stund og síðan hvolft á kökufat.
   Flórsykri sáldrað yfir áður en kakan er borin fram.

   Borin fram með þeyttum rjóma eða ís ef vill.
   
   Uppskrift: Ivan Andersen DK