Hrekkjavakan er handan við hornið og þá hafa margir gaman af því að skera út graskersluktir með börnunum. Graskerin eru í boði í grænmetishorni flestra verslana. Ekki eru allir jafn hrifnir af þessum ameríska sið, en þó eru graskerin og grímubúningarnir sem fylgja eitthvað sem flestir geta notið til að hressa upp á vetrarbyrjun. Tilvalið að gera með börnunum.
Graskersluktir eru fallegar í skammdeginu og ekki er verra að vita af því að Grasker eru full af trefjum, sinki og A vítamíni.
Til gamans má benda á að bandarískur taugasérfræðingur og sálfræðingur Dr. Alan Hirsch hefur rannsakað áhrif lyktar á fólk og hann vill meina að samkvæmt sínum rannsóknum þá ýti ilmurinn af graskersböku undir kynhvöt karla.
Þegar skorin eru út grasker þá er um að gera að nýta innvolsið/kjötið. Athugið að það er hægt að sjóða og mauka kjötið og frysta til að nota síðar. Graskersmauk má nota í margt, t.d. í súpur, sultur, bökur, kökur, ýmsa eftirrétti ofl. Það er til dæmis hægt að nota graskersmauk í staðinn fyrir banana í bananabrauðsuppskriftum. Grasker er soðið í litlu vatni í ca. 30 mín og maukað með töfrasprota eða í blandara.
Verði ykkur að góðu og góða skemmtun :-)
Hér eru nokkrar uppskriftir sem er einmitt tilvalið að prófa.