Triffli

0.0/5 hattar (0 atkvæði)

Ingredients

  • ca 150-200 g makkarónukökur
  • 4 msk sherry
  • hindberja- eða brómberjasulta, magn eftir smekk
  • bananar í sneiðum eða aðrir ávextir, ef vill
  • Eggjakrem
  • 3 eggjarauður
  • 3 msk strásykur
  • 2 ½ dl rjómi
  • 2 bl matarlím
  • 1 tsk góð vanilla
  • Ofan á trifflið
  • 2 1/2 dl rjómi
  • rifsberjahlaup, nokkur kokteilber eða fersk ber
  • rifið dökkt súkkulaði til skrauts

Directions

  1. Matarlímið lagt í bleyti í kalt vatn.
    Eggjarauður, sykur og rjómi er blandað vel saman í þykkbotna potti og hitað að suðu. (Má alls ekki sjóða).
    Vatnið kreist úr matarlímsblöðunum og sett saman við eggjahræruna og hrært vel saman. Vanillu bætt út í. 

    Makkarónukökunum raðað á botn á víðri skál. Víninu dreypt yfir. Sultu smurt ofan á og ávöxtum raðað yfir, ef þeir eru notaðir.
    Þessu næst er eggjaþykkninu hellt yfir. Kælt.
    Áður en borið eftirrétturinn er borinn fram er þeyttum rjóma smurt yfir og að síðustu er skreytt með rifsberjahlaupi í doppum eða berjum og súkkulaðið rifið yfir. Allt eftir smekk hvers og eins.


    Gott að vita:
    Nota má ávaxta eða berjasafa eða saft í stað sherrýs. 

    Eins má setja þetta í sömu röð í nokkrar ábætisskálar og skreyta eftir smekk. 

Leiðbeiningastöð heimilanna

Hallveigarstöðum  - Túngötu 14  - 101 Reykjavík
552 1135;
lh@leidbeiningastod.is