Sherrýfrómas I

5.0/5 rating 1 vote

Ingredients

  • 4 egg
  • 5 msk flórsykur
  • 3 msk sherrý
  • 7 blöð matarlím
  • 1/2 líter rjómi
  • 100-200 g makkarónukökur eftir stærð og lagi skálar + 1/2 - 1 dl sherrý
  • 100 g suðusúkkulaði með appselsínubragði
  • Ofan á frómasið
  • 1 1/2 dl rjómi, þeyttur
  • nokkur fersk ber eða þurrkuð t.d.Gojiber og ristaðar möndlur og hvítt súkkulaði, gróft rifið.

Directions

  1. Kökurnar muldar eða brotnar og lagðar á botninn í eina stóra skál eða 6 litlar.

  2. Bleytt í kökunum með sherrýinu. Magnið fer eftir hvað mikið er notað af kökum.

  3. Súkkulaðið saxað fremur smátt.

    Rjóminn þeyttur og settur í kæli.

    Matarlímið lagt í bleyti í smávegis af köldu vatni í ca 10 mín.

  4. Egg og sykur þeytt saman þangað til blandan verður ljós og létt.
    Vatnið kreist úr matarlíminu og það brætt í sherrýi í vatnsbaði við vægan hita. Hrært alveg kekkjalaust. Kælt aðeins og hellt í mjórri bunu út í eggjahræruna og hrært í á meðan.
    Súkkulaðinu bætt út í og hrært.
    Rjómanum blandað varlega saman við eggjahræruna.
    Rjómabúðingnum hellt yfir kökurnar, sléttað yfir og lokað með filmu og geymt í kæli.

    Gott að vita:
    Það má líka setja bleyttar muldar makkarónukökur út í hræruna ef vill. Þá er súkkulaðinu sleppt.
    Skreytt eftir smekk með þeyttum rjóma, rifnu hvítu súkkulaði, heilum berjum eða þurrkuðum Gojiberjum og ristuðum möndluflögum áður en borið er fram.
    Í staðinn fyrir sherrý má nota góðan ávaxtasafa eða sterkt og gott kaffi.

Leiðbeiningastöð heimilanna

Hallveigarstöðum  - Túngötu 14  - 101 Reykjavík
552 1135;
lh@leidbeiningastod.is