Gæsabringa

0.0/5 hattar (0 atkvæði)
Gæsabringa

Ingredients

  • 600-800 g gæsabringa, (beinlaus og snyrt)
  • 80 g gulur laukur, (smátt saxaður)
  • grænn pipar 1-2 tsk (mulinn)
  • 50 g smjör
  • 0,5 dl koníak/brandy
  • 0,5 dl þurrt rauðvín
  • 1,5 dl rjómi
  • 2-2,5 dl dökkur kjötkraftur (Oscar)
  • ½-1 tsk salt og pipar eða eftir smekk
  • 1 tsk Dijon sinnep
  • maísena sósujafnari eftir þörfum

Directions

  1. Gæsabringan er brúnuð í smjöri á vel heitri pönnu, krydduð með salti og pipar og steikt þar til hún er ca miðlungssteikt (medium). 

  2. Tekin af pönnunni og laukurinn settur á pönnuna og brúnaður gullinbrúnn. 

  3. Þá er piparnum bætt út í, látið krauma í smá stund. Koníaki og rauðvíni bætt á pönnuna og það látið sjóða niður til helminga með lauknum og piparnum.

  4. Nú er rjómanum bætt út í ásamt kjötkrafti og Dijon sinnepi. Sósan er látin sjóða rólega í ca 1 mínútu. 
    Sósan þykkt með maísena sósujafnara og smökkuð til með salti og pipar og e.t.v. kjötkrafti ef svo þykir þurfa.
     

  5. Að síðustu er gæsabringurnar settar út í og þær látnar hitna í sósunni í smá stund áður en þær eru bornar fram. Ekki má sjóða bringurnar í sósunni. 

  6. Gott er að skera bringurnar í þunnar sneiðar (transera) áður en þær eru bornar fram. 
    Þá er smávegis af sósunni hellt yfir bringurnar og restin af sósunni borin fram í sósukönnu.
    Meðlæti með þessum rétti er t.d. ristaðar kartöflur og ferskt grænmeti.

    Uppskrift: Kristján Rafn Heiðarsson, matreiðslumeistari. Hrunaréttir, 2008.

     

Leiðbeiningastöð heimilanna

Hallveigarstöðum  - Túngötu 14  - 101 Reykjavík
552 1135;
lh@leidbeiningastod.is