Blóm

  • Banner 910x180 grænmeti
  • Banner 910x180 Eldadurollu 03

Leiðbeiningastöð heimilanna - neytendamál

Vatn er gott og öllum nauðsynlegt

kranavatnÍ staðinn fyrir að skrúfa frá vatnskrananum og fá sér kalt, ferskt og gott vatni að drekka, kaupa margir rándýrt vatn á plastflöskum. Hljómar auðvitað frekar heimskulega þar sem við erum í raun að greiða fyrir plastflöskuna, miklu fremur en innihaldið. Og þar að auki fyrir plast, sem inniheldur eiturefnið Antimon, sem sannað þykir að leysist úr plastinu út í vatn, gosdrykki og ávaxtasafa, sem við neytum úr plastflöskum. Antimon mælist reyndar ekki mikið eða í hættlegu magni pr. flösku, en þegar drukkið er úr mörgum flöskum, jafnvel daglega árið um kring, getur efnið safnast fyrir í líkamanum.
Vísindamenn í Evrópu hafa rannsakað áhrif antimons í nokkur ár og er ekki fullsannað enn hvaða áhrif það hafi á fólk og umhverfi. En sumir þeirra hafa varað við efninu og telja það hafa bæði mengandi áhrif í náttúrunni, þegar plastið er urðað og síðast en ekki síst að það hafi áhrif til langs tíma á fólk, einkum þarmaflóru þess.
Í Japan er farið að nota títaníum í stað antímons, en það er talið hættulaust fólki.
Eitt enn sem hefur umhverfisáhrif og eykur m.a. loftlagsbreytingar, er að í framleiðslu á öllu þessu flöskuplasti fyrir drykkjarvörur, fer mikið eldsneyti.
Það eru ekki allar þjóðir sem njóta þeirra forréttinda að hafa hreint og gott vatn frá náttúrnnar hendi, eins og við eða þannig er það a.m.k. í flestum landshlutum. Við eigum að sjálfsögðu að nýta okkur það.

Í ástralska bænum Bundanoon í Ástralíu hefur vatn í plastflöskum verið bannað með lögum.  Áfyllanlegum flöskum var komið fyrir í staðinn og er bannið sennilega fyrsta sinnar tegundar í heiminum.

www.mbl.is 26.09.2009
www.adressa.no Prof.
Clemens Reimann

 

Hollt eða óhollt

Eitt er að huga að hollustu - annað að fara út í öfgar.
Töfralausnir hafa sýnt sig að vera skammtímalausnir. Oftar en ekki bæta þær pyngju framleiðenda og seljenda, annað ekki.

Snyrti- og húðvörur

Margt fólk, að ekki sé talað um ung börn, geta verið viðkvæm fyrir kemískum (tilbúnum) efnum sem notuð eru í snyrtivörur, ilmvötn og hreinsiefni.

E-efni

E-efnin svokölluðu eru notuð í matvöru, sælgæti drykki o.fl. til að kalla fram ákveðinn lit, bragð, áferð og til þess að auka geymsluþol.

Gæðakannanir á heimilistækjum

Hjá Leiðbeiningastöðinni er hægt að fá upplýsingar úr erlendum gæðakönnunum á flestum gerðum heimilistækja.
Þessar kannanir eru framkvæmdar af frjálsum og óháðum neytendasamtökum.